QEPA E KUQE

Qepa është anëtare e familjes Allium, është e pasur me komponentë që përmbajnë squfur, të cilat janë përgjegjëse për erën e saj dhe janë shumë të mira për ruajtjen e shëndetit.

- Sistemin kardiovaskular

Qepa e kuqe është e shkëlqyeshme në parandalimin e sulmit në zemër, sepse përmban flavonide. Shkenca e ka vërtetuar se substancat në qepë ndikojnë kundër bllokimit të enëve të gjakut dhe droçkave.Komponentët e squfurit pengojnë koagulimin dhe formimin e copëzave të trombociteve. Këta komponentë sulfurikë, përveç se ulin nivelet e kolesterolit dhe triglicerideve në gjak, gjithashtu përmirësojnë funksionimin e membranës qelizore të rruazave të kuqe të gjakut. Qepët mund të parandalojnë disa sëmundje të zemrës, të cilat kohen e fundit janë shumë të shpeshta.

- Kockat dhe indet lidhëse

Studimet kanë treguar se qepa e kuqe mund të ndihmojë në rritjen e densitetit të kockave dhe mund të jetë e dobishme për gratë gjatë menopauzës, pasi ato humbasin densitetin e kockave. Gratë që kanë kaluar nëpër menopauzë, me konsumimin e përditshëm të qepës së kuqe, do të zvogëlojnë rrezikun e frakturave të ndryshme. Pra, për këtë arsye përdoreni më shumë qepën e kuqe, pasi përbërësit e saj ndikojnë pozitivisht në indet lidhëse, për shkak se shumë komponentëve të indeve lidhëse, iu nevojitet squfur për t'u formuar.

-Një anti-inflamator

Qepa e kuqe është e mirë në luftën kundër inflamacionit. Antioksidantët të cilët gjinden në të, luftojnë inflamacionin duke parandaluar oksidimin e acideve yndyrore në trupin tuaj. Kur keni një nivel më të ulët të acideve yndyrore të oksiduara, trupi prodhon më pak molekula që janë përgjegjëse për inflamacionin.

-Mbron nga kanceri

Është dëshmuar se qepa e zvogëlon rrezikun e sëmundjeve të tilla si disa lloje kanceresh edhe kur konsumohet në mënyrë të moderuar. Qepa zvogëlon rrezikun e kancerit të zorrës së trashë dhe kancerit të vezoreve. Konsumoni më shumë qepë, në qoftë se doni të mbroni veten në aspektin shëndetësor.

-Shëron kapsllëkun

Nëse ju mundon kapsllëku, do t’ju ndihmojnë fibrat që gjenden në qepën e kuqe.Qepa largon helmet dhe forcon qelizat e ushqimit nga zorrët.
Nga qepa e kuqe mund të përgatitni lëng. Ai shumë shpejt ju largon nga zona e gripit, ftohjes apo dhimbjeve dhe infeksioneve në fyt.Nëse keni telashe me gjakrrjedhjen në hundë,qepa e kuqe mundet ta ndalojë këtë. Nëse ju rrjedh gjak, merrni aromë për një kohë qepës së kuqe.

-Përfitimet e tjera nga qepa e kuqe

Qepa ka potencial për të përmirësuar bilancin e sheqerit në gjak dhe për të parandaluar infeksionet bakteriale. Përveç squfurit edhe përbërësi flavonoid quercetin, i cili gjendet në qepën e kuqe, ka veti antibakteriale. Qepa e cila qëndron gjatë e copëtuar apo ekspozohet në temperaturë të lartë për më shumë se 10 minuta, humb efektet e saj medicinale. Andaj duhet këtë gjë ta keni parasysh dhe mos ta lini për një kohë të gjatë në temperaturë të lartë. Këto janë vetëm disa dobi që i kemi nga konsumimi i qepës së kuqe, por këto janë të mjaftueshme ta kuptoni sa e rëndësishme është dhe se ajo nuk duhet assesi të mungojë në menynë tuaj.