قناة القارىء محمد صلاح نافع

Blusa circular para mujer

Si te qepim kemishe...

Si te pastrojme pikat e zeza nga fytyra ne kushte shtepiake...super

SODA E BUKES BEN MREKULLIRA PER FLOKET DHE LEKUREN TUAJ

Ide krijuese -23

Ide krijuese- 22

Lumturia bashkëshortore nuk mund të arrihet nëpërmjet dhunës

Ka thene shejh El Uthejmini-Allahu e meshirofte:

” Lumturia bashkeshortore nuk mund te arrihet nepermjet dhunes dhe imponimit, kjo eshte gabim, por eshte detyre per bashkeshortin qe ta vlersoje bashkeshorten si shoqeruese, nene e femijeve dhe kujdestare ne shtepine e tij.

Duhet ta respektoje ate ashtu sic kerkon prej saj respektin per te.”

( Fetaua nurun ala derb10/13)

Marre nga:Xhamia mbret

Zgjidhe gruan tënde, mos e neglizho këtë çështje

Shejh Salih el-Feuzani (Allahu e ruajttë!) thotë: Është detyrë që për martëse të zgjidhen bashkëshortë të devotshëm e që janë të kapur në fenë e tyre.
Të cilët kujdesen për shenjtërinë e martesës dhe sillen në formën më te mirë.

Nuk lejohet të neglizhohet në këtë çështje. Në kohën tonë është shtuar shumë ky neglizhim dhe kjo përbën rrezik. Aq sa njerëzit kanë filluar t’i martojnë vajzat e tyre me burra që nuk i frikësohen Allahut dhe ditës së Fundit.

E kështu fillojnë ankohen për gjendjen e burrave të tillë dhe janë në mëdyshje. Nëse ata do ishin interesuar para martesës për një burrë të devotshëm, atëherë Allahu Lartmadhëruar do ua kishte lehtësuar çështjen, porse e gjithë kjo –në shumicën e rasteve- vjen si rrjedhojë e neglizhencës dhe mos marrjes në konsideratë të martesës me njerëz të devotshëm. Personi i keq nuk është për këtë gjë. Prandaj nuk lejohet neglizhenca ndaj çështjes së tij, sepse ai do sillet keq me gruan.

Madje ekziston rreziku që ai ta largojë gruan nga feja e saj ose ndoshta ndikon (për keq) dhe tek fëmijët.

“El-Munteka” vëll. 4
Përktheu Unejs Sheme

Marre nga:Xhamia mbret

30 Këshilla për një nënë kur lindë fëmijë

1. Konsideroni fëmijët tuaj begati të madhe, të cilën ua ka dhënë Allahu i Lartësuar. Gëzojuni lindjes së tyre. Urojani njëri- tjetrit. Priteni me gëzim ardhjen e fëmijëve tuaj në këtë botë me dua. Falënderojeni Allahun e Lartësuar për shansin e dhënë që ta rritni një mysliman dhe mundësinë që në këtë botë të lini trashëgimtarë pas jush. Lutuni që Allahu i Lartësuar atë fëmijë ta bëjë pjesëtar të vërtetë të ummetit mysliman, thirrës në fe dhe rob të Tij të vërtetë.

2. Nëse nuk keni fëmijë, luteni Allahun e Lartësuar që t’ju dhurojë fëmijë të devotshëm; luteni Atë ashtu siç ishte lutur Zekerija alejhi selam Ai e kishte lutur Zotin me këto fjalë:
“O Zoti im! Eshtrat tashmë më janë dobësuar, koka më ndriçon nga thinjat dhe asnjëherë nuk kam mbetur i zhgënjyer nga lutja ime për Ty, o Zoti im!” (Merjem, 4]

3. Kurrë mos u dëshpëroni për lindjen e fëmijëve. Përmbahuni prej zemërimit nëse jeni në gjendje të vështirë materiale dhe mos e konsideroni fëmijën barrë dhe kurrë mos e nënçmoni e as mallkoni.

4. Nëse ekziston mundësia, pas këndimit të ezanit dhe ikametit, kërkoni prej ndonjë personi të devotshëm që ta përtypë një copë të hurmës ose diçka të ëmbël dhe atë t’ia vendosë fëmijës në mishin e dhëmbëve dhe të lutet për fëmijën.

5. Zgjidhni fëmijës një emër të duhur me kuptim të bukur. Pagëzojeni fëmijën me emrin e ndonjë pejgamberi ose sahabi radijallahu anhu ose ndonjë personi të devotshëm.

6. Nëse e keni emertuar fëmijën me ndonjë emër jo të përshtatshëm e jo të mirë, ndërrojani me ndonjë emër më të mirë.

7. Therni një kafshë (akika] për fëmijën në ditën e shtatë. Mjafton që të theret një kafshë edhe për fëmijën mashkull, edhe për femër; nëse dikush dëshiron; mundet që fëmijës mashkull t’ia therë dy. Pastaj rruajani kokën dhe jepni sadaka në argjend aq sa kanë peshuar flokët e rruara. (Mund të jepni edhe në të holla)

8. Në ditën e shtatë bëjeni synet fëmijën mashkull. Nëse nuk keni rastin që atëherë ta kryeni synetimin, bëjeni këtë para se t’i mbushë fëmija shtatë vjet. Synetimi është shenjë islame.

9. Fëmija kur fillon të flasë, mësojeni së pari me fjalët: La ilahe il-Iallah.

10. Jepni gji fëmijës me qumështin tuaj. Kjo është e drejtë e fëmijës të cilën nëna duhet ta respektojë. Gjidhënia është një prej gjërave që është përmendur në Kur’anin e ndershëm, kur përmendet rëndësia e bamirësisë ndaj nënës. Fëmija të cilit nëna i jep gji, ai tregon më shumë dashuri ndaj saj. Fëmijët e këtillë janë më të dëgjueshëm dhe nënat më pak ankohen për ta. Me secilën pikë të qumështit, nëna te fëmija duhet të mbjellë njësinë e Allahut të Lartësuar, dashurinë ndaj Pejgamberit sal- lallahu alejhi ue sel-Iem, ndaj përkushtimit në fe, dashurinë dhe dhembshurinë. Mos u përpiqni që ta largoni përgjegjësinë prej
vetes e ta gjuani mbi supet e babait, por vetë kryeni obligimet tuaja dhe do të bekoheni me qetësinë shpirtërore dhe gëzim. Mos përdorni hajmali për fëmijët. Në vend të tyre, mësoni ata me dua për raste të ndryshme. Lexoni Kur’an dhe fryni në fë- mijët.

11. Mos i frikësoni fëmijët. Frikat që i përjeton në rini do të ndikojnë në zhvillimin e mendjes dhe shpirtit të tij. Thënë në përgjithësi, fëmijët që në fëmijërinë e hershme janë frikësuar, ata asgjë të rëndësishme e të madhe nuk bëjnë në jetën e tyre. Kurrë mos i detyroni fëmijët që të bëjnë diçka derisa janë të uritur.

12. Bëhuni të kujdesshëm sa i përket qortimit, vërejtjeve dhe dënimit të fëmijëve për çfarëdo imtësire. Në vend që të tregoni rezistencë ndaj të metave të tyre, me urtësi dhe me entuziazëm edukoni ata dhe tregoni dashurinë dhe kujdesin tuaj. Raporti juaj ndaj tyre duhet të tregohet se nuk do të toleroni asgjë në kundërshtim me dispozitat e sheriatit.

13. Gjithmonë silluni me butësi ndaj fëmijëve dhe me dashuri. Sa më shumë që është e mundur, plotësoni nevojat e tyre dhe zhvilloni te ata frymën e dëgjueshmërisë. Largohuni që t’u parashtroni pyetje fëmijëve sikur: kur?, pse?, kush?, dhe përpiquni që të mos parashtroni pyetje sikur: “Pse e ke bërë këtë?”; “A nuk po të vjen turp?”; “Kur do të kuptosh njëherë?”; “Nuk e di çfarë të bëj me ty?!” Në vend që ta qortoni fëmijën në këtë mënyrë, qasiuni atij në mënyrë pozitive. Përkëdheleni fë- mijën në kokë dhe butësisht shpjegoni atij se disa veprime nuk janë të kënaqshme dhe se një gjë e tillë nuk duhet të bëhet etj.

14. Tregoni dashuri dhe relacion me fëmijët tuaj të vegjël. Përkëdhelni butë nëpër kokë. Merrni në prehrin tuaj. Raporti juaj ndaj tyre duhet të frymojë me lumturi dhe gëzim. Mos u sillni me ta si sundimtar i rreptë e i ashpër. Nëse silleni në atë mënyrë të vrazhdë, nuk do të arrini që te fëmija të zhvilloni frymën e dashurisë ndaj prindërve. Në të njëjtën kohë, këta
fëmijë nuk arrijnë që të fitojnë vetëbesimin dhe sjellja e ashpër e prindërve ndikon negativisht në zhvillimin natyror të fëmijë- ve.

15. Jepni tërë energjinë tuaj me qëllim që fëmijëve t’ua mundësoni arsimim të mirë dhe edukim të duhur. Në këtë aspekt, aspak mos u hamendni. Ky duhet të jetë obligim i juaj fetar, dobi e madhe për fëmijët dhe akt i bamirësisë ndaj vetvetes.

16. Fëmija kur i mbush shtatë vjet, mësojeni se si falet namazi. Mësojeni që rregullisht ta falë namazin. Vajzat le ta falin namazin me ju, kurse djemtë duhet të shkojnë me baba- llarët në xhami. Kur t’i mbushin dhjetë vjet dhe nëse tregojnë ndonjë mangësi ose plogështi në kryerjen e namazit, dënoni ata në mënyrë shembullore. Veprat dhe fjalët tuaja le të tregojnë se nuk do të toleroni asnjë formë të injorimit të kësaj detyre fetare.

17. Fëmijët kur t’i mbushin dhjetë vjet, mos i lejoni ata që të flenë bashkërisht, ndani shtretërit e tyre dhe le të flenë të ndarë.

18. Gjithmonë kujdesuni për pastërtinë e fëmijëve dhe të rregulluar. Posaçërisht kujdesuni për higjienën e tyre persona- le, larjen dhe pastrimin. Siguroni gjithmonë rroba të pastra për faljen e namazit. Përmbahuni që t’i vishni fëmijët në rroba të shtrenjta të cilat tek ata mund të zgjojnë mburrjen. Rrobat duhet të jenë të thjeshta. Mos e shkatërroni moralin e fëmijëve duke bartur ai rrobat me ngjyra të gjalla e të forta.

19. Mos i përmendni lëshimet dhe të metat e tyre para të tjerëve. Bëhuni të kujdesshëm kur është fjala që të nënshtrohet turpi i fëmijëve. Me çdo çmim, largohuni që ta ofendoni egon e fëmijës. Kur ndonjëri prej tyre gabon, mos i qortoni dhe mos i dënoni të gjithë. Kundërvajtësin këshillojeni në vete dhe vetëm kundër tij ndërmerrni masa të duhura.

20. Mos tregoni para fëmijëve dëshpërim për shkak të faktit se nuk po arrijnë të përmirësohen. Në të vërtetë, ju duhet t’i inkurajoni, ta lavdëroni atë që e kanë arritur, madje edhe imtësitë e parëndësishme. Gjithmonë inkurajoni fëmijët me qëllim që në këtë mënyrë ta shtojnë vetëbesimin.

21. Tregojuni ngjarje rreth pejgamberëve. Shpjegojani mënyrat në të cilën ata i kanë thirrur jomyslimanët në fe dhe çfarë roli ka pasur karakteri i tyre në thirrjen islame. Tregojuni për jetët dhe ngjarjet nga jeta e sahabëve radijallahu anhum dhe njerëzve tjerë të devotshëm. Shikoni në ato tregime sikur në diçka jashtëzakonisht të rëndësishme për zhvillimin e moralit të tyre dhe dashurisë ndaj fesë. Pa marrë parasysh numrin e obligimeve tuaja shtëpiake, gjithmonë gjeni kohë që t’ua përkushtoni atyre.

22. Kohë pas kohe inkurajoni fëmijët me qëllim që edhe ata të japin sadaka, kontribute vullnetare, ushqim etj. Kjo te fëmijët do të zhvillojë frymën e dhembshurisë dhe zemërgjerësisë ndaj të varfërve. Në mënyrë të njëjtë inkurajoni ata që t’i ndajnë ëmbëlsirat e tyre dhe ushqimet tjera me vëllezërit dhe motrat tjera, sepse me këtë do të arrini ndjenjën për të drejtat e të tjerëve dhe të zhvilloni frymën e paanshmërisë mes tyre.

23. Mos e plotësoni secilën lakmi të fëmijës. Bindni me urtësi dhe me vëmendje se si ato shprehi nuk janë të mira. Nëse është nevoja, tregoni edhe pak ashpërsi. Mos krijoni te fëmijët persona kokëfortë duke iu shprehur atyre dashuri të pashembullt.

24. Mos flitni me zë të ashpër. Mos bërtitni dhe zërat e shtuar dhe këshilloni fëmijët që të flasin me zë të butë e të matur. Të mos e bëjnë këtë në asnjë rast.

25. Zhvilloni te fëmija shprehinë e pavarësimit. Duhet të largohen që të mbështeten te prindërit, vëllezërit, motrat dhe te farefisi tjetër.

26. Nëse shpërthen zënka mes fëmijëve, bëhuni të paanshëm. Mbani në mend, ashtu siç kultivoni ju dashuri ndaj fëmijëve tuaj, ashtu edhe njerëzit tjerë kultivojnë dashuri ndaj fëmijëve të tyre. Mos lejoni që vërejtjet që i bëjnë anëtarët tjerë të farefisit të burrit të arrijnë deri te fëmija juaj.

27. Gjithmonë bëhuni të paanshëm ndaj fëmijëve tuaj. Bëhuni posaçërisht të kujdesshëm dhe mos i jepni përparësi ndonjërit prej tyre. Nëse më shumë e doni ndonjërin prej tyre, kjo është e lejuar derisa sjellja juaj, paraqitja dhe veprimet tregojnë se jeni të njëjtë ndaj tyre.

28. Gjithmonë bëhuni shembull i mrekullueshëm për fëmijët. Ju për fëmijët jeni mësues i përhershëm e i qetë të cilin fëmijët gjithmonë e shikojnë dhe i shqyrtojnë veprimet e tyre. Mos gënjeni as në mahi.

29. Bëhuni të gëzuar për shkak të lindjes së vajzës njëjtë sikur të ishit të gëzuar nëse do t’ju lindte djalë. Fëmijët meshkuj e femra janë bekim prej Allahut të Lartësuar. Vetëm Allahu xh.sh. e di se çka është më mirë për ju. Në mënyrë të njëjtë mos tregoni pakënaqësi as kur reja juaj lind fëmijë vajzë. Mos insistoni për t’i dhënë dhurata fëmijës, sepse kjo do të prodhojë vetëm mospajtim dhe mallkimin e anës tjetër. Detyrimi i të tjerëve me qëllim që t’u dhurojnë fëmijëve mund të jetë vetëm haram, në aspektin e marrjes së pasurisë së huaj. Në një hadith, Pejgamberi sal-lallahu alejhi ue sel-lem thotë: “Kujdes! Pasuria e personit tjetër nuk është hallall nëse nuk është dhënë me gjithë dëshirë” (Mishkat, f. 255, hadithi nr. 8) Allahu i Lartësuar na ruajt prej haram dhuratave.

SHKEPUTUR NGA LIBRI “SI TE BEHESH NENE IDEALE”

Marre nga: Xhamia mbret

Obligimi i burrit ndaj gruas

“Furnizimi ndaj gruas, është obligim në çdo gjendje, edhe nëse burri nuk ka mundësi ta bëjë këtë.

Ndërsa në lidhje me furnizimin ndaj nënës, nëse ai nuk ka mundësi ta bëjë këtë, atëherë nuk ka mëkat, por nëse ai është në gjendje ta furnizojë nënën e tij dhe nuk e bën këtë, atëherë është mëkatar. Në këtë rast, furnizimi ndaj prindërve nuk është i obligueshëm, edhe nëse ata kanë nevojë për të, përveç nëse ai ka mundësi që t’i furnizojë ata.

Si mund të kuptohet mundësia për t’i furnizuar prindërit e tij?

Nëse personi ka pasuri dhe me të mund ta furnizojë veten dhe bashkëshorten- gruaja ka përparësi në furnizim ndaj nënës, babait dhe fëmijëve.

Kështu sepse të furnizuarit e bashkëshortes, në të vërtetë është furnizim ndaj vetvetes.

E nëse ajo nuk furnizohet nga ai, atëherë mund të kërkojë shkurorëzim.

Pra, bashkëshortja ka përparësi në furnizim kundrejt babait dhe nënës, sepse furnizimi ndaj saj, në të vërtetë është furnizim ndaj vetvetes.

Transmeton imam Muslim dhe imam Ahmedi hadithin në të cilin i jepet përparësi në furnizim familjes (gruas) përpara të afërmve të tjerë.”

Shejkh Uthejmin rahimehullah.

Marre nga: Xhamia mbret

Si të ricikloni qelizat vjetra duke agjëruar

Agjërimi ka treguar rigjenerimin e qelizave të sistemit imunitar vetëm pas tri ditësh.

Njerëzit pësojnë ndryshime të shpejta gjatë gjithë kohës, për arsye të ndryshme, ku një nga këto mund të jetë besimi. Kjo gjë ka treguar se kryerja e agjërimit mund të rigjenerojë qelizat dhe mund të sjell qëndrueshmërinë e tyre si dhe një sistem imunitar të shëndetshëm vetëm pas tri ditëve.

Ndoshta për të mbajtur sistemin imunitar të shëndetshëm dhe të mprehtë, ju duhet të agjëroni.
Hulumtuesit nga Universiteti i Kalifornisë Jugore në Los Anxhelos, kanë thënë se agjërimi periodik mbron sistemin imunitar nga dëmtimet dhe promovon rigjenerimin.
Njerëzit, të cilët kanë probleme me sistemin imunitar duhet të agjërojnë. Një profesor i Gerontologjisë dhe i Shkencave Biologjike në Shkollën e USC Davis Gerontologji, Valter Longo ka parë efektet e agjërimit tek njerëzit dhe tek minjtë.

Ai zbuloi se kur kishin agjëruar gjitarët, atyre i ishte ulur numri i qelizave të bardha të gjakut. Ky rezultat bën që organet e trupit të riciklojnë qelizat e vjetra të sistemit imunitar, ku pikërisht kjo gjë shkakton prodhimin e qelizave të reja të këtij sistemi imunitar dhe në këtë mënyrë ndodh zëvendësimi i tyre. Qelizat e sistemit imunitar në fundin e tyre mund të çojnë në lodhje dhe mund të ndalojnë proçesin funksional ose mund të mos e realizojnë atë siç duhet. Ka qënë e besueshme se nuk kishte shumë për të bërë në mënyrë që të kapërcehej kjo pjesë me trajtime dhe të arrihej qëndrueshmëria e qelizave.

Ky hulumtim i fundit që flet pikërisht për agjërimin periodik mund të hedh dritë mbi disa të vërteta në lidhje me qelizat rigjeneruese në trup, gjë e cila ndryshon qelizat e vjetra dhe realizon rigjenerimin e gjakut dhe të sistemit imunitar. “Ne nuk mund të parashikojmë se agjërimi i zgjatur do të ketë një efekt të tillë në promovimin dhe rigjenerimin e qelizave të sistemit hematopoietic. Kur ju keni shumë uri, sistemi imunitar përpiqet që të kursej energji, dhe pikërisht një nga gjërat që ju mund të bëni për të ruajtur energjinë është që të ricikloni një shumë të qelizave imune, të cilat nuk janë të nevojshme, dhe sidomos ato që mund të jenë dëmtuar. Ajo që kemi vërejtur duke filluar punën si me njerëzit dhe me kafshët është se numri i qelizave të bardha të gjakut ulet më shumë nëse agjërimi zgjat më shumë. Atëherë kur ju ri-ushqeheni, qelizat e gjakut mund të kthehen sërish në gjendjen e mëparshme. Kështu kemi filluar të mendojmë se nga ka ardhur kjo gjë”?

Ky studim kryesisht është fokusuar tek pacientë normal, por ajo mund të shtrihet edhe në kushte të tjera si tek ata me çrregullime autoimune. Agjërimi nxit prodhimin e qelizave të reja, pa dëmtuar imunitetin, kështu ai mund të ndihmojë njerëzit që vuajnë nga sëmundje ose ato që janë deklaruar si kushte mjekësore të pashërueshme. Agjërimi i zgjatur rrit nivelin e fuqisë së trupit duke e detyruar atë që të përdor më shumë glukozë, yndyrë, dhe ketone si dhe duke nxjerr jashtë një pjesë të vjetër të qelizve të bardha të gjakut. Pra, agjërimi vepron si një detoksifikant që nxjerr jashtë funksionit të vjetrat dhe sjell të rejat. Agjërimi i zgjatur redukton nivelet e një enzime të njohur si PKA, ose proteina e kinazës A.

Në fillim hulumtimet kanë gjetur se ai forcon dhe rrit rregullimin e qelizave të qëndrueshme dhe ndihmon në vetë-rinovimin e tyre së bashku me zgjerimin e jetëgjatësisë. Duke agjëruar ju do të ndihmoni në uljen e niveleve të IGF-1, i cili është një hormon i rritjes që është i lidhur me plakjen, si dhe rritjen e rrezikut të tumorit dhe kancerit të llojeve të ndryshme. “PKA është geni kyç që duhet të mbyllet për këto qeliza dhe për të kaluar në mënyrën e tij rigjeneruese”, thotë Longo.
“Ai jep OK për qelizat rigjeneruese në mënyrë që të shkojnë përpara dhe të fillojnë provat dhe rindërtimi i gjithë sistemit. Dhe lajmi i mirë është se trupi heq pjesë të sistemit që mund të jenë të dëmtuara ose të vjetra, pjesë këto joefikase dhe kjo vetëm gjatë agjërimit. Tani, në qoftë se ju mund të filloni me një sistem të dëmtuar rëndë nga kimioterapia ose plakja, ciklet e agjërimit mund të gjenerojnë një sistem të ri imunitar”.

Marre nga: Xhamia mbret

Si ta lumturojë gruaja burrin e saj?

Prej cilësive të gruas së mirë, është që ajo ta gëzojë/lumturojë burrin e saj kur ai e sheh atë, në pamjen (fytyrën) e saj, dukjen dhe veshjen e saj. Ajo duhet të jetë e gatshme që t’i bindet atij dhe t’i përmbush obligimet e tij pa shprehur mospëlqim dhe arrogancë. Medito mbi hadithin që transmetohet nga Ebu Hurejra (radijAllahu anhu), i cili ka thënë se i Dërguari i Allahut (salAllahu alejhi ue selem) është pyetur në lidhje për gruan më të mirë, ndërsa ai u përgjigj: “Ajo që e kënaq burrin e saj kur ai e sheh atë, i bindet atij kur ai e urdhëron dhe nuk bën asgjë me veten dhe pasurinë e saj nëse është kundër vullnetit të tij.”[Autentik sipas Imam Albanit në “Es-Sahihah” (1838)].

Ajo kështu duhet të jetë në lidhje me dukjen, formën dhe pamjen e saj. Pra, gruaja duhet t’i kushtojë rëndësi të madhe pamjes dhe formës së saj kur ajo është në prani të bashkëshortit. Po ashtu, ajo duhet të kujdeset dhe t’i kushtojë rëndësi të madhe përmbushjes së urdhëresave, dëshirave dhe nevojave të tij.

Për fat të keq, shumë gra e njohin zbukurimin dhe stolisjen vetëm atëherë kur ato dalin nga shtëpia për të prezantuar në ndonjë festë. Por, kur burri i saj vjen në shtëpi, ajo qëndron aty me rroba të këqija dhe i vjen erë jo e mirë, flokë-prishur dhe e pakrehur. Ajo ka cilësitë që e bëjnë burrin të largohet prej saj. Çfarë është ajo që e bën zemrën e burrit të tërhiqet nga kjo grua? Çfarë lloji të dashurisë mund të ketë për një grua të tillë?

Kjo sjellje e tillë, dëshmon për mangësitë e saj në aspektin e plotësimit të përsosmërisë së jetës së saj bashkëshortore dhe në realizimin e lumturisë dhe të nderit të saj.

“Cilësitë e gruas së mirë”

Marre nga: Xhamia mbret

Si t’ia mësosh fenë fëmijve të tu

Si t’ia mësosh fenë fëmijve të tu
Kur të krehësh fëmijën tend, tregoi atij se këtë gjë e bën, sepse Profeti alejhi selam ka urdhëruar për mirëmbajtjen e flokëve.
Kur të parumosësh fëmijën tënd, tregoi atij se këtë gjë e bën, sepse Profeti alejhi selam e pëlqente parfumosjen me erë të mirë.
Kur të dërgosh në shkollë fëmijën tend, tregoi atij se këtë gjë e bën, sepse Profeti alejhi selam ka thënë se kërkimi i diturisë të lehtëson hyrjen në Xhenet.
Kur ti buzëqeshësh fëmijës tend, tregoi atij se këtë gjë e bën, sepse Profeti alejhi selam e ka cilësuar buzëqëshjen sadaka.
Kur të lavdërosh fëmijën tend, tregoi atij se këtë gjë e bën, sepse Profeti alejhi selam e ka cilësuar fjalën e mirë sadaka.
Kur fëmija yt të jetë në një grup me njërëz më të rritur, mësoje atë që ti respektojë më të mëdhenjtë, sepse Profeti alejhi selam ka treguar se respekti ndaj tyre është nga besimi i mirë.

Në këtë mënyrë prindi duhet lidhë veprimet e fëmijës së tij me rrugën e profetit Muhamed alejhi selam

Marre nga: Xhamia mbret

5 fjali që duhet tia thuash bashkëshortes tënde

Për bashkëshorten tënde 

1- Nëse është e heshtur, pyete se çfarë e shqetëson.

2- Nëse të shpërfill mësoi interesimin për ty.

3- Nëse e sheh në gjendje jo të mirë për të, thuaji se ti je e bukur.

4- Nëse ajo qan, puthe ballin e saj dhe tregoi se ti e do.

5- Nëse xhelozon për ty, mos u mërzit, sepse kjo është nga dashuria e saj për ty.

Marre nga: Xhamia mbret

Historia e Ebu Jusufit...

Heqja e vetullave ...- Shejkh Nasiruddin el-Albani (rahimehullah)

ALBOS: Ja mënyrat si ta dalloni mjaltin e vërtetë natyral...

ALBOS: Ja mënyrat si ta dalloni mjaltin e vërtetë natyral...:  Me ndihmën e këtyre 10 trukeve zbuloni se cili është mjalti i vërtetë. Mjalti është i pasur me vitamina dhe minerale, dhe ka veti antiinfla...

Ajete dhe hadithe- 11

Ajete dhe hadithe- 10

Smile- 7

                                                         Si dalin ne fotot femrat sot!!!

Kripa roze...

Historia e kripës rozë

Kripa e himalajës u formua para mbi 250 milionë vite më parë. Ajo është përdorur historikisht për ruajtjen e peshkut dhe mishit gjatë vitit.

Kjo kripë mblidhet nga minierat me dorë sipas traditës milionavjeçare, pa përdorimin e asnjë pajisjeje mekanike. Pasi mblidhet me dorë, ajo shtypet, pastrohet dhe lihet të thahet në diell.

Kjo kripë e ka origjinën nga Azia, konkretisht në Kinë, Nepal, Mianmar, Pakistan, Butan, Afganistan, dhe Indi.

Pse kjo kripë ka ngjyrë rozë?

Ngjyra rozë tek kjo kripë vjen si pasojë e përmbajtjes së lartë të mineraleve, veçanërisht hekurit.

Dhe janë pikërisht mineralet tek kjo kripë që mund të:

Balancojnë elektrolitet

Rregullojnë përmbajtjes ujore brenda dhe jashtë qelizave

Ekuilibrojnë pH (alkaline/acid)

Eleminojnë problemet me muskujt

Forcojnë kockat

Ulin tensionin e gjakut

Ndihmojnë zorrët të përthithin vlerat ushqyese

Eleminojnë toksinat

Po ashtu mendohet se kjo kripë mbështet libido-n, redukton shenjat e plakjes dhe detoksifikon trupin nga metalet e rënda.

Kripa rozë vs kripës së detit

Kripa e rafinuar që gjendet sot në treg është jo vetëm e zhveshur nga të gjitha mineralet e saj, përveç sodiumit dhe kloridit, por është e pastruar dhe e zbardhur kimikisht, po ashtu e tharë në temperatura shumë të larta, ndërkohë që kripa e himalajës thahet në diell.

Jodi që i shtohet kripës së detit është sintetik, gjë që e vështirëson tretjen nga trupi ynë.

Kristalet e kripës normale janë totalisht të izoluara nga njëra-tjetra dhe për t'i metabolizuar ato, trupit tonë i duhet të sakrifikojë shumë energji.

Për çdo gram kripë deti, për të cilin trupi nuk arrin dot ta eleminojë, ai përdor 23 herë më shumë sasinë e ujit qelizor për neutraliyimin e kripës.

Të konsumosh kripë deti për një kohë të gjatë shkakton:

Celulit

Reumatizëm, artrit

Gurë në veshka

Po atëherë pse ende shumica e njerëzve përdorin kripë normale?

Sepse mbi 90% e kripës në botë përdoret drejtpërdrejt për qëllime industriale. 

Në shumicën e produkteve të gatshme, konservave etj, do të habiteni se sa shumë kripë gjelle ka në to.

Për qëllime komerciale, për kripën që shitet sot në treg ka shumë reklama për të bindur përdoruesit se kjo kripë është e shëndetshme, në një kohë kur ajo përmban jod toksik dhe fluor. Po ashtu kjo kripë mund të përmbajë mërkur etj.

Ndërkohë, kripa e himalajës pra është e pastër dhe mbi të gjitha ka energji.

Në mikroskop, kristalet e kripës rozë, kanë një strukturë perfekte dhe janë imune ndaj fushave elektromagnetike.

Pra përdorni kripë himalaje për një shëndet më të mirë, për më shumë energji në jetën tuaj dhe për muskuj e lëkurë të shëndetshme.

Pse kripë himalaje dhe jo kripë deti?

Kripa është esenciale për jetën, ne nuk mund të jetojmë pa të. Megjithatë duhet të konsumojmë kripë të shëndetshme.

Nëse doni që organizmi juaj të funksionojë si duhet, ju duhet një kripë e kompletuar me të gjitha elementët natyrorë. Fatkeqësisht kripa që përdorim ne sot për gatim etj., nuk ka asgjë të përbashkët me kripën natyrale.

Kripa e zakonshme përmban 97.5% klorid sodium dhe 2.5% kimikate dhe jod.

Kripa e himalajës është e pastër dhe ka përmbajtje të lartë kristalesh dhe hekuri.

Kripa e himalajës përdoret nga shefat e kuzhinës, në SPA, ekspertët e shëndetit dhe individët të cilët ia njohin vlerat. Kjo kripë e quajtur ndryshe si kripa rozë përdoret edhe në kuzhinë njësoj si kripa e gjellës. Ajo përdoret kryesisht për stimulimin e qarkullimit, relaksuar trupin, ulur tensionin e lartë të gjakut, relaksimin e muskujve si dhe për eleminimin e helmeve nga trupi.

Kripa e himalajës përmban mbi 84 minerale. Konsumi i rregullt i kësaj kripe ofron mineralet thelbësore, ekuilibron elektrolitet, mbështet përthithjen e ushqyesve, eleminon toksinat, balancon pehashin e trupit, normalizon tensionin e gjakut dhe fuqizon muskujt. Mendohet se kjo kripë lehtëson simptomat e artritit, psoriazës, herpesit dhe simptomat e gripit dhe etheve.

10 ushqimet që të mbrojnë nga smogu

10 ushqimet që të mbrojnë nga smogu

Ne shume qytete te botes se zhvilluar, por edhe ne Shqipëri, ndotja e mjedisit është kthyer ne një problem shqetësues, pasojat e se cilës po ndjehen gjithnjë e me shume.

Pasojat janë te mëdha si ne nivel te shëndetit te njerëzve, por edhe ne nivel te dëmeve ekonomike qe shkaktohen dhe qe shkojnë ne miliard e miliarda euro.
Te shmangesh ne mënyrë totale efektin e agjenteve toksike sigurisht qe është një gjë e pamundur, por përmirësimi i mënyrës se jetese, dhe ne radhe te pare një diete e duhur ushqimore mund te kenë një ndikim jo te vogël ne parandalimin e fenomeneve te dëmshme.
Për këtë, një këshillë e vlefshme është edhe ajo qe sugjeron konsumin e alternuar te ushqimeve qe nga pikëpamja e ngjyrave i takojnë spektrit qe shkon nga ngjyra e bardhe, jeshilja, viola, e verdha portokalli dhe e kuqja. Ngjyra te ndryshme do te thotë se ato janë te pasura ne përbërës te ndryshëm te elementeve ushqyes, vitaminave dhe antioksidanteve.

Te gjitha llojet e algave.Këto janë shume te pasura ne hekur, proteina, aminoacide, klorofila, vitamina dhe algina, një substance qe është ne gjendje te eliminoje nga organizmi metalet e renda, si edhe solucione te tjera toksike.

Gomasio,është nje substance qe gjendet ne kuzhinën aziatike dhe qe ne esence është kripe e përzier me vaj susami. Kjo është pasur me sesamoline, sesamolo qe janë ne gjendje te kontrollojnë nivelin e kolesterolit dhe gjithashtu janë ne gjendje te mbrojnë edhe mëlçinë.

Vaj argani.Njihet me shume ne Marok, ku edhe përdoret ashtu sikurse tek ne përdoret vaji i ullirit, por ky përmban dyfishin e vitaminës E. Dy luge ne dite janë te mjaftueshme për te ruajtur nivelin e duhur te kolesterolit.

Sacha inxhi, është nje lloj bime zvarranike, e cila gjendet e shumice ne amazonën peruane.

Uthull Coco-je. Nxirret nga palma e cocose, dhe është shume e pasur me vitamina te grupit B, vitaminën C dha aminoacide. Përdoret dhe bën mire edhe për probleme te aparatit tretës.

Uthull Umeboshi.Umeboshi janë nje lloj kumbulle qe rritet ne Japoni, dhe përdoret edhe për përgatitjen e sallatave et ndryshme. Fale një përmbajtjeje te larte te acidit citrik ato lehtësojnë absorbimin e hekurit., kalciumit dhe magnezit.

Orizi i egër.Ka një përmbajtje te larte te proteinave, vitaminave dhe kripërave minerale. Por shquhet edhe për aminoacidin lizine, dhe dallohet per nje indeks te ulet glicemik.

Shafran i Indisë. Është një koncentrat i antioksidnateve dhe është ne gjendje te kundërshtojë çrregullime qe lidhen me fenomene te plakjes se trurit.

Borziloku. Ndryshe e quajnë dhe bima e rinise. Ka shume antibiotike ne përmbajtje, antialergjike dhe antiinflamatore, perverse është i pasur ne vitamina A, B2, E, kalcium dhe hekur.

Ide krijuese- 21

Ajete dhe hadithe- 9

PRINCES KROFNE (EKLERA)-Shqip Kifle Ose Pasta Shuu